Sundlaugin verður lokuð miðvikudaginn 26. fim.27. föstud.28. og laugardaginn 29. maí vegna viðhalds og þrifa. opnar aftur sunnudaginn 30. kl. 10:00, ef veður leyfir.

þá verður breytt opnun helgina 5. og 6. júní (sjómannadagshelgina) á laugardeginum verður opið 10:00-20:00 og á sunnudeginum verður opið 07:00-18:00. Fleiri upplýsingar er hægt að sjá hér.

Eldgosið í Eyjafjallajökli hefur valdið miklum vandræðum í samgöngum en þrátt fyrir það eru flestar sundlaugar á svæðinu þar í kring opnar.

Eina fjölmargra sundlauga á Suðurlandi er að finna í íþróttamiðstöðinni á Kirkjubæjarklaustri. Árið 2008 var þar tekin til notkunar ný sundlaug og einnig er þar heitur pottur og barnalaug. Ýttu hér til að fá fleiri upplýsingar.

Ýttu hér fyrir upplýsingar um allar sundlaugar á Suðurlandi.

Sundlaug Seltjarnarness verður lokuð dagana 3. - 7. maí vegna hreinsunar á sundlauginni og viðgerða.

Tekið af vef Reykjavíkurborgar:

Frítt í sund og á bókasöfn fyrir atvinnulaust fólk

Borgarstjórn Reykjavíkur samþykkti einróma á fundi sínum í dag tillögu borgarfulltrúa Vinstri Grænna um að atvinnulausir Reykvíkingar og fólk sem nýtur fjárhagsaðstoðar hjá Reykjavíkurborg fái frían aðgang að sundstöðum borgarinnar og frí notendakort í Borgarbókasafni Reykjavíkur og útibúum þess til ársloka 2010. Hanna Birna Kristjánsdóttir, borgarstjóri, sagði á fundi borgarstjórnar í dag að með samþykkt tillögunnar væri meðal annars verið að bregðast við óskum verkalýðsfélaganna um að Reykjavíkurborg veiti þessum hópi umrædda þjónustu endurgjaldslaust. Rannsóknir sýna að atvinnuleysi getur haft neikvæðar heilsufarslegar og félagslegar afleiðingar í för með sér fyrir fólk. Þegar einstaklingar missa vinnuna raskast jafnvægi í daglegu lífi þeirra töluvert. Það er samfélaginu til góða að koma til móts við þarfir þeirra sem eru án atvinnu með því að bjóða þeim upp á fjölbreytt virkniúrræði. Sund og almenn heilsurækt, heimsóknir á bókasöfn og önnur afþreying stuðla að aukinni þátttöku í samfélaginu og bættum lífsgæðum.

Nánari upplýsingar um fyrirkomulag verður hægt að nálgast á þjónustumiðstöðvum velferðarsviðs Reykjavíkurborgar strax í næstu viku.

 
Þann 1. maí n.k. breytist þjónustutími sundlauga Kópavogs.

Kíktu hér fyrir fleiri upplýsingar um sundlaug Kópavogs og sundlaugina Versölum.