Íþróttamiðstöðin að Lágafell, Sundlaugin Lækjarhlíð

Heimilisfang
Íþróttamiðstöðin Lágafell
Lækjarhlíð 1a, 270 Mosfellsbæ
Sími í afgreiðslu 517 6080

Netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Tenglar: lagafellslaug.is

Afgreiðslutími
Sundlaugin er opin alla daga frá kl. 06:30 til 21:30
Helgaropnun frá 08:00 til 19:00

Verð
Fullorðnir: 400 kr
Börn: 130 kr

Auka upplýsingar
Skólasund er í innilauginni alla virka daga til kl. 18 og þriðju- og miðvikudaga til klukkan 20.

Íþróttasalurinn er opinn alla virka daga frá kl. 6:30 til 22:30 og um helgar frá kl. 08:00 til 21:00

Sundlaugarsvæðið í Lágafelli er fjölbreytt og ættu flestir að finna sér eitthvað sem hentar hverju sinni. Svæðið skartar 25 metra sundlaug, sem er glæsileg í alla staði. Fyrir þá sem vilja gera meira en að synda er hægt að velja um 3 mismunandi heita potta.

Tveir þeirra eru hefðbundnir heitir pottar með hitastig á bilinu 40-42 gráður.  Sá þriðji er nuddpottur sem gott er að sitja í og slaka á og láta nudda þreytta vöðva. Hann er ekki eins heitur og hinir pottarnir.
Fyrir börnin og líka auðvitað hina fullorðnu er vaðlaug sem er tiltölulega grunn, hlý og hentar fyrir smáfólkið og þá sem vilja liggja útaf og slaka og njóta sólarinnar, sé hún í boði.

Fyrir þá allra hressustu á öllum ald, eru þrjár rennibrautir á svæðinu, ein opin breið um 12 metra og tvær lokaðar, mislangar, eða frá 33-43 metrum. Farið er upp glerjaðan rennibrautarturn og ferðin endar í lendingarlaug fyrir neðan, sama laug fyrir allar brautir, svo það er best að vera varkár og fylgja reglum!

Á svæðinu er einnig opið eimbað. Klefi á sundlaugarsvæðinu með bekkjum og sturtuaðstöðu.
Starfsfólk sundlaugarinnar vill ítreka við forráðamenn barna að fylgjast vel með börnum sínum þegar þau eru á svæðinu.

Innilaugin
Innilaugin er með stillanlegum botni og hentar því vel fyrir kennslu sem hún er óspart notuð í. Hún er einnig opin fyrir almenning meginhluta sumars (fyrir utan kennslutíma ) og seinni part dags, eftir að kennslu lýkur. Innilaugin er 16 metra löng.