Árbæjarlaug verður lokuð dagana 16.- 19. ágúst vegna viðhalds. Laugin verður opnuð aftur föstudaginn 20. ágúst kl 6:30.

Sundnámskeið fyrir börn fædd 2004 og 2005 hefst í Sundlaug Akureyrar 9. ágúst. Námskeiðið er 9 skipti og lýkur 19. ágúst og kostar 7.000 kr.

Frekari upplýsingar eru hér (PDF) og skráning er í síma 461-4455 

Opnunartími á frídag verslunarmanna - Mánudagur 2. ágúst

Borgaryfirvöld hafa ákveðið að efna til sundvöku í Laugardalslauginni dagana 21-26 júlí næstkomandi.

Á samráðsvettvanginum Betri Reykjavik kom fram sú hugmynd að hafa sólarhringsopnun í einni sundlaug í Reykjavík. Mikill stuðningur var við tillöguna og því ákváðu borgaryfirvöld að gera tilraun með sundvöku í Laugardalslaug í eina viku.

Á sundvökunni verður Laugardalslaugin opin í fimm nætur frá og með miðvikudeginum 21. júlí frá kl 6.30 til mánudagsins 26. júlí til kl. 22.30.

Gjald fyrir sundgesti á sundvöku er 1000 krónur en þess ber að geta að afsláttar- og árskort gilda. Börn yngri en 16 ára fá ekki aðgang á nóttunni nema í fylgd með fullorðnum og er það í samræmi við útivistarreglur barna í borginni.

Borgaryfirvöld vonast til að sundlaugargestir noti þetta einstaka tækifæri sem nú gefst til þess að fara í sund á björtum sumarnóttum. Svo gæti farið, ef vel tekst til, að sundvakan yrði að árlegum viðburði. Rétt er að taka fram að öll meðferð áfengis er að venju stranglega bönnuð í lauginni.

Föstudaginn 9. júlí er Sundlaugin Egilsstöðum lokuð frá kl. 15:30 vegna Sumarhátíðar UÍA (Ungmenna- og íþróttasamband Austurlands). Laugardaginn 10. júlí verður lokað frá kl. 12:30 en það verður opið á frá kl. 17:30-19:00 ef vel gengur. Annars er opið samkvæmt sumaropnunartímum, sjá hér.